अखेर नवरा माझा नवसाचा-2 च्या चित्रीकरणास सुरुवात..
प्रसिद्ध मराठी अभिनेते सचिन पिळगावकर यांचा नवरा माझा नवसाचा या चित्रपटात दुसर्या भागाच्या रत्नागिरीतील चित्रिकरणाला १५ मार्चपासून प्रारंभ होणार आहे. या चित्रपटाचा काही भाग गणपतीपुळे येथे चित्रित होणार आहे.पिळगावकर तब्बल १९ वर्षानंतर नवरा माझघ नवसाचा या चित्रपटाचा दुसरा भाग नवरा माझा नवसाचा-२ हा चित्रपट बनवत आहेत. पिळगावकर यांनी फेब्रुवारी महिन्यात चित्रिकरणाच्या परवानगीसाठी जिल्हाधिकारी यांची भेट घेतली होती. तसेच त्यांनी गणपतीपुळे येथे जावून श्रींचे दर्शनही घेतले होते. मात्र १५ दिवसानंतरही जिल्हा पोलीस विभागाकडून सुरक्षिततेसंदर्भात कोणताच अहवाल न मिळाल्याने जिल्हा प्रशासनाने परवानगी नाकारली होती.नवरा माझा नवसाचा २ या चित्रपटात ज्येष्ठ अभिनेते अशोक सराफ, निवेदिता सराफ, सुप्रिया पिळगावकर, स्वप्नील जोशी, हेमंत इंगळे, अली असगर, निर्मिती सावंत, वैभव मांगले, सिद्धार्थ जाधव, संतोष पवार असे दिग्गज कलकार झळकणार आहेत.
